طفلة حلب

جيفر القرطوبي

يا حسرتي في ديننا بالاختصـــار
في ديننا حال الاوادم منقلـــــب

اهل العراق وسوريـا واللي جوار
حتى القدس نـادت ولكن من يجب

وين القلوب اللي على المسلم تغار
لا جار ملعون الاعادي واصطلــب

شفنا مدائن كلها صارت دمـــــار
هبت ريــاح الموت عالمسلم مهب

كنا نباعد اي ضرر والا ضـــــرار
كنا فخر امة محمد والصحــــــب

طلحه ! يحقلنا بطلحه الافتخـــار
او نفخر بحمزه ابن عبدالمطلــب

خطاب أمتنا بعزمه مستنـــــــار
ابليس لا جــــا خاف منه وارتعب

جابوا الوجايب لو توارت بالغبــار
من عند اجرام السمــاوي والغبب

من عقبهم صرنا نعاني باحتقـــار
والحين قدوتنا بمن هبـــــا ودب

كنا نحب تاج الشرف والانتصـــار
والحين حبنا للمعــــازف والطرب

صرنا نحس بضيق وقت واحتكــار
حتى تخاذلنا وصرنا في عــــجب

مسلم يحط بينه وبين اهله جــدار
مسلم سلب مسلم ولا كنــه سلب

مسلم ولا يبدي مع المسلم قـرار
مسلم ولـكن خلفه المسلم يسـب

خلو مفاهيم الجهل والاغتـــــرار
خلو تفاهات المهازل والكـــــذب

قوموا نساعد سوريا كــافي فرار
قوموا نجـــــاهد او لنعلنها حرب

طفله تنادي يا عرب فكوا الحصـار
وش ذنبهــا طفله تعاني في حلب

كنا الفخر كنا من احفاد الخيــــار
والحين صرنا كالجبانا يا عـــــرب