جيفر القرطوبي
يا حزينه / الحـزن شتّــان مـا بينـي وبينك
الحـــزن عندك دقايق والحزن عندي عميق
والوجـع فـينا تشــابه والشّبه فـينا بعينـك
والسـواد اللي تحتها مــن اثر ذاك الطريق
الطــريق اللي تركتي فيه من صادق حنينك
والهــدايا والصور مـع علبة العطر الأنيـق
من غــلاتك دافنٍ اســرار من اجمل سنينك
حافـظٍ حبها مثل ما تحفظ الزهــرة الرحيق
العجيب انهـا تعاقـبني علــــى لحظة انينك
مذهله بس والله انـــي من امر يمها اضيق
لــــو أصد عنها ارد انظر واقول الله يعينك
كيف يـا جيفر اذا تخفي بتخفي هالحـــريق
نــــافذة بيتك تنــادي شوقها يعكس جبينك
بسمتك بلسم شفــــاتك حاجبك ذاك الرقيق
باقيه مسكة يــدي بس وينها مسكة يدينك ؟
الوعد فصل الشتا/واقفى الشتا مثل البريق
يا حزينه لـــو يســارك بالحزن غطى يمينك
الحــزن عندي رفيقٍ للعمــر واصدق صديق
مـن أجي ذاك الطريق اكتم الم وآقول وينك
والله اني كنت اعـــاني فوق ما يمكن اطيق
لِى متى ببكي فراقك لِى متى ببقى رهينك !
الحزن اهون علَي/بس ما امر نفس الطريق