زارع الود واحصده.. والثمر بان بالوانه
تمطر مزون الموده.. وترتوي قلوب عطشانه
العمر سيره ورده.. وان وقف جفت اغصانه
ليتني وياه هالمده.. بقضي العمر فحضانه
القلب نبضه يعده.. يحتري شوف خلانه
البعد زاد عن حده.. والصبر عاف صبرانه
احسب الوقت واعده.. لين يتبين محانه
وان قضى الموت في بعده.. كفنوني ع بيبانه
واطلبو المسك وبيده... ينثره فجسم غرمانه
حماد الكعبي
إشترك عبر خدمة أخبار “الشبيبة “ على الواتساب لتصلك آخر و أهم الأخبار.
للإشتراك أرسل كلمة “ أشترك “ على الأرقام التالية:
تواصل معنا لعرض مشكلتك
